سمعت صوت صړبخ

سمعت صوت صړيخ جامد عند جارتي مع صوت المطر والرعد الرهيب

فتحت باب الشـ،ـقة وفضلت أخبط عليها لحد ما فتحتلي وهي مخضوضه جدا

قالتلي الحقيني إبني تعبان وأغمى عليه ودرجة حرارته عاليه جدا قولتلها ما تقلقيش هنوديه المستشفى قالتلي مش هينفع باباها راجل كبير وقعيد على كرسي عنده شلل نصفي ولازم يكون في حد معاه

قولتلها خلاص روحي وانا هقعد معاه لحد ما ترجعي شكرتني بسرعه ولبـ،ـست هـ،ـدومها وخدت إبنها ونزلت عالمستشفى أنا منة الله 28 سنة متزوجة بقى لي 3 سنين بس ربنا ما رزقنيش بعيال روحت لدكاترة كتير بس برده ربنا لسه ما أردش

أنا عايشة مع جوزي عمر في شـ،ـقة

في منطقة راقية وجارتنا هدير موجودة من قبل ما نيجي بكتير وجوزها مټوفـ،ـي وعايشه هي وابنها وباباها عمر جوزي دلوقتي في الشغل وانا ما ينفعش أسيب هدير في مشـ،ـكلة وما أقفش جمبها لان اكيد هيجي يوم وتقف هي كمان جنبي

فضلت قاعدة في الصالة عندها ومستنيه باباها يصحى عشان أحطله الاكل زي ما قالتلي واديله الدواء اللي حطيتهولي على السفرة بعدها قولت أجيب موبايلي من الشـ،ـقه عندي عشان اكلم عمر أعرفه طلعت لقيتني سيت المفتاح في البيت والموبايل جوه كده هرجع تاني شـ،ـقة هدير واخلي ودني مع السلم لما اسمع صوت مفاتيح عمر هفتح واقوله

فضلت قاعدة أتفرج على بيتها انا ماكنتش بزورها كتير ولا هي كل واحد كان في حياته الخاصة بس بيتها جميل جدا وفي أنتيكات غاليه كتير قومت بصيت على كوميدينو كبير خشب مليان أدراج وفوقيه في بندقية متعلقه وصورها هي وابنها وباباها بعدها لمحت درج مفتوح فتحته وفضلت أقلب فيه انا عارفه اللي انا بعمله ده غلط

بس انا بحب أعرف شايله ايه ومش هسـ،ـرق حاجه وانا بفتح في الادراج لقيت في حاجه غريبة لقيت عضم فراخ كتير

مع انهم مش مربيين اي حـ،ـيوانات

فتحت الدرج بالراحه لقيت ورق كتير متشخبط عليه حروف منظر الورقه يخلي اي حد يقلق بسبب لونها الاصفر وشكلها المريب قلبت الورقه لقيت صورة باباها وهوا واقف ومحطوط دبابيس صغيره على رجليه لمـ،ـست الدبوس فجأة سمعت صوت حد بينده هدير يا هدير

اټخضيت في الاول ورجعت الصورة وجريت مكان الصوت اول ما شافني اتخض قولتله انا منة جارتكم وحكيتله اللي حصل وبعدها ساعدته يقوم يقعد على الكرسي بتاعه الموضوع كان صعب بعدها دخل الحمام وجريت على المطبخ أسخـ،ـن الاكل

وطلعت فتحت الدرج تاني عشان ارجع كل حاجه زي ما هي ودخلت الورق زي ماكان والعضم وشيلت الدبابيس اللي كانت عالصورة ورجعتها تاني وقفلت الدرج وقعدت عالسفره بعد ما حطيت الاكل ومستنيه باباها يطلع من الحمام فجأة سمعت صوت ضحك عالي جدا من جوة الحمام بطريقه هستيريه

مابقتش عارفه في

ايه وبعدها الصوت اتحول لعياط جـ،ـامد انا قلبي بدأ يدق بطريقه قوية ومش عارفه اعمل ايه !

قومت وقفت من مكان وانا ببص

على باب الحمام وفجأة الباب اتفتح بالراحة جدا لقيت أبو هدير واقف على رجلية ومش مصدق نفسه وعمال يقولي انا خفيت أنا خفيت وبقيت قادر امشي واحرك رجلي انا بحلم ولا بجد قوليلي يا بنتي دا بجد ولا حلم انتي وشك حلو عليا انا بقيت مصډومة من اللي شايفاه الراجل دا قعيد من سنتين ازاي يرجع يقف ويجري زي المچنون كان مافيش حاجه حصلت

افتكرت الصورة اللي كانت في الدرج وعليها الدبابيس أكيد هو ده العمل اللي محطوط على صورته وعمل فيه كده انا بفكر والراجل ھيـ،ـموت من الفرحة بس انا كان لازم اقوله انا شوفت ايه وازاي ده حصل قولتله ياعمو انا عايزة اقولك حاجه قالي خير يابنتي اطلبي اللي انتي عايزاه

قولتله اللي لقيته في الدرج والصورة والعضم والكلام ده لدرجه الراجل من الصد،مة قعد على كرسي ومش عارف يقول حاجه بعدها قالي ايه التخاريف اللي بتقوليها دي قولتله طب نجرب نرجع الدبوس على الصورة ونشوف هيحصل ايه سكت شوية كده وقالي جربي !!

قولتله حاضر وفعلا مسكت الصورة ودخلت فيها الدبوسين في كل رجل لقيته مرة واحده بيحاول يقوم من قعدته ماعرفش فضل يحاول لحد ما وقع على الارض قومت شايله الدبوس وحاولت اساعده مارضيش وفضل قاعد على الارض وقام واقف ومسك الصوره والدبوس وفضل يبكي وانا قلبي اتقـ،ـطع عليه بصراحه